ཨ་མ་ལས་ འགྱོ་བའི་ཆུ་མོ་(Ama Lay Jowai Chumo)-The Downstream River!

 

ཨ་མ་ལས་ འགྱོ་བའི་ཆུ་མོ་ ང་འབད་རུང་ དགའ་ནི་མས།།

ཨ་མ་ལས་ འགྱོ་བའི་ཆུ་མོ་ ང་འབད་རུང་ དགའ་ནི་མས།།

ལྟོཝ་བཀྱེས་པའི་ སྡུག་བསྔལ་མེད།།

ཁ་སྐོམ་པའི་ སྡུག་བསྔལ་མེད།།

སེམས་སྡུག་བསྔལ་མེད་པ་ དགའ་བས་སྨོ།།

ཡར་དགུང་ལས་ ཤར་བའི་ཁྲི་གདུགས་ ང་འབད་རུང་ དགའ་ནི་མས།།

ཡར་དགུང་ལས་ ཤར་བའི་ཁྲི་གདུགས་ ང་འབད་རུང་ དགའ་ནི་མས།།

ཕམ་སྤུན་ཆའི་ སྡུག་བསྔལ་མེད།།

གཉེན་གྲོགས་ཀྱི་ སྡུག་བསྔལ་མེད།།

ས་འཛམ་གླིང་ སྟོནམ་ བལྟ་ནི་འདུག།

ཡར་གནམ་ཁའི་ ས་སྨུག།

ཡར་རྒྱུག་མར་རྒྱུག་ མ་འབད་མས།།

ངེའི་སེམས་ཡང་ རང་མཉམ།།

ཙ་ལས་རང་ སྡོད་ནི་མིན་འདུག།

སྡོད་ནི་མིན་འདུག་ སྡོད་ནི་མིན་འདུག།

ས་འཛམ་གླིང་ནང་ལུ།།

སེམས་ཀྱི་སྡུག་བསྔལ་ རྫོགས་ནི་མིན་འདུག།

ཡོདན་ཡོད་པའི་ སྡུག་བསྔལ།།

མེདན་མེད་པའི་ སྡུག་བསྔལ་འདུག།

གངས་རི་ལ་ ཤར་བའི་མེ་ཏོག་ ང་འབད་རུང་ དགའ་ནི་མས།།

གངས་རི་ལ་ ཤར་བའི་མེ་ཏོག་ ང་འབད་རུང་ དགའ་ནི་མས།།

བཀྱག་ལེགས་པའི་ མེ་ཏོག་འདི།།

རྟེན་བཟང་པོའི་ ལྷ་ཁང་ནང་།།

སྐྱབས་ལྷའི་ རྒྱན་ཆ་བཏུབ་བས་སྨོ།།

ཕར་རི་ལ་ བཞུགས་པའི་ སྒོམ་ཆེན་ ང་འབད་རུང་ དགའ་ནི་མས།།

ཕར་རི་ལ་ བཞུགས་པའི་ ཨ་ནེམ་ ང་འབད་རུང་ དགའ་ནི་མས།།

ལས་ངན་པ སྤང་སྟེ་གིས།།

བླམ་བཟང་པོ་བརྟེན་ཏེ་གིས།།

སེམས་དམ་པའི་ ཆོས་ལ་ བརྩོན་ནི་འདུག།

ལས་ངན་པ སྤང་སྟེ་གིས།།

བླམ་བཟང་པོ་བརྟེན་ཏེ་གིས།།

སེམས་དམ་པའི་ ཆོས་ལ་ བརྩོན་ནི་འདུག།

Singer:Kezang Dorji

#AmalayJowaiChhumo #Bhutanesenewsongs2022 #bhutaeselyricsin2022 #bhutanesesongs #dzongkhalyrics